- 454 -

1411. Okt. 8. Liegnitz.

Herzog Wenzel, Bischof zu Breslau, bestimmt zwischen der Stadt und seinem Marschal Hans Rothkirch die Grenze eines Heidestückes, der Fuchsberg genannt.

Wir Wenczlaw von gotis gnaden bischoff czu Breslaw in Slesien herczog vnd hirre czu Legenicz, bekennen offentlich mit desim briffe allen den, dy en sehin horen vnd lesin, das vor vns eczwenne komen ist Hannos Rothkirche vnser marschalk, dem got gnade, vnd bath vns vm eyn heydestucke, das do von aldirs keigen Kotczenaw czu vnserm hawse gehorit hat, das man nennet den Fochsberg, das wir em vnd seynen erbin ouch habin gegebin vnd habin im das nicht furdir gegebin, den bis an dy grenitcze, vnd was obir dy grenicze ist, das keigin Legenicz gehoret, wellin wir, das vnser stat czu Legenicz do bey sulle bleiben noch erer briffe lawthe, dy se darobir habin. Ouch habin wir gegebin vnd besteitiget den juncfrawen des clostirs czum heiligen leichnam vor Legenicz alle ir gutir, dy se in vnserm Legenitschen weichbilde habin mit allen obirsten vnd nedirsten gerichten, doch mit sulchem vndirscheide: was vnser burgere der stat czu Legenicz off den selbin gutern rechte vnd obirste gerichte habin, wellen wir, das sy dobey mechticlichen sullen bleiben, von en vnd eren anewalden vngehindert. Des czu eynem bekentnisse habin wir vnser gros ingesigil czu Legenicz mit vnserm signeth hinden uff gedruckt an desin brieff lassin hengin. Noch gotis gebort virczenhundert jar dornoch im eilfften jor am nehesten donrstage vor sente Hedwigen tage. Do bey sint gewest vnser lieben getrawen Hans Gawen heuptman czu Legenicz, Glogrian von Rathenaw, Petir von Gawsk, Hannos von Lagenaw vnd Nickil Medegaw.

O. d. St. L. No. 235. Mit wohl erhaltenem Siegel an Schnüren von rother Seide. — Bitschens Privilegb. f. LXX b.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866